სახანძრო სიგნალიზაცია ბიზნესისთვის: რას ითხოვს კანონი

საქართველოში მოქმედი სახანძრო უსაფრთხოების რეგლამენტი კომერციული და საზოგადოებრივი დანიშნულების შენობებს ავალდებულებს სახანძრო სიგნალიზაციის სისტემის ქონას. ეს ეხება სავაჭრო ობიექტებს, ოფისებს, სასტუმროებს, საგანმანათლებლო და სამედიცინო დაწესებულებებს.

კონვენციური თუ მისამართული?

კონვენციური სისტემა ზონებად ყოფს ობიექტს — განგაშისას იცით ზონა, მაგრამ არა კონკრეტული დეტექტორი. ის იდეალურია მცირე და საშუალო ობიექტებისთვის. მისამართული (addressable) სისტემა კი თითოეულ დეტექტორს ინდივიდუალურად აკონტროლებს — ზუსტად ხედავთ, სად არის კვამლი ან გაუმართავი მოწყობილობა. დიდი ობიექტებისთვის ეს აუცილებლობაა.

რას მოიცავს სრული სისტემა

მართვის პანელი, კვამლისა და სითბოს დეტექტორები, ხელის შემტყობინებლები ევაკუაციის გზებზე, ხმოვანი და შუქური სირენები, სარეზერვო კვება. პროექტი უნდა შეესაბამებოდეს შენობის ფართობს, სართულიანობასა და დანიშნულებას.

როგორ მოვემზადოთ ინსპექტირებისთვის

სისტემა უნდა იყოს გამართული, დოკუმენტაცია — სრული: პროექტი, მონტაჟის აქტები, ტესტირების ოქმები. ჩვენ ვამზადებთ ყველა საჭირო დოკუმენტს და ვუზრუნველყოფთ პერიოდულ ტესტირებას სერვისის ხელშეკრულებით.